Blúshátíð í fremstu röð!

Ef einhver heldur að það sé leiðinlegt á blúshátíð þá er það ekki satt. Tónleikarnir í gærkvöld sögðu mér, sem ekki hafði farið áður,  að þessi hátíð sé best geymda leyndarmál okkar hér í borg. Auðvitað ætti ég ekki að segja þetta nokkrum manni því þá verð ég að mæta miklu fyrr á svæðið varðandi  borðahark. Það stefnir í að  næst verði þessir tónleikar barasta í Egilshöll, er það ekki draumurinn? Sem gamall jálkur þá saknaði ég Magnúsar Eiríks á svæðinu  en hinir voru alveg frábærir, Þau Deitra Farr, Tena Palmer,  Blúsmenn Andreu Gylfa, KK, Berþór Smári, Björgvin Gísla að ógleymdum Guðmundi Péturssyni sem var eiginlega á sviðinu allan tímann. Erfitt er að gera upp á milli listamanna ,en KK og hans band var toppurinn að mínu mati. Hlakka til að fara með stórfjölskylduna aftur á næstu Blúshátíð. 

Athugasemdir

[Júlíus Valsson, 3.4.2008 kl. 10:54]

Sammála þér Kristín!

Blúshátíðin var frábær í alla staðai og stjörnur hennar voru að mínu mati KK, Gummi Pé, Bjöggi Gísla, Magic Slim og svo auðvitað Dóri Braga, sem skipulagði hátíðina.